Rail videos

Wednesday, September 5, 2012

නුපුරුදු ඉසව්වකට පිය නැගූ මොන්ට්‍රියෙල්


අගෝස්තු 31 රේල් හන්දියේ සගයින් සමග සුපිරි හයික් එකක නිරත වී හපුතලේ දුම්රිය ස්ථානයෙන් බදුල්ල කොළඹ රාත්‍රී තැපැල් දුම්රියට නැගුන අපි කොළඹ බලා පිටත් වුනෙමු. පාසල් නිවාඩුවේ අවසාන සති අන්තය නිසාත් , දිගු සති අන්තයක් නිසාත් දුම්රිය මගීන්ගෙන් පිරි ඉතිරි තිබුණි. දුම්රිය කොළඹට සේන්දු වන විට වෙලාව උදේ 7 ට ආසන්න වී තිබුණි. 6.55 ට පමණ මාතර බල ධාවනය වන අංක 50 දුම්රිය  (අපි කව්රුත් හදුන්වන පරිදි සුනාමි කෝච්චිය) අල්ලාගෙන ගෙදර යාමට අදහස් කරගෙන සිටි නිසා තැපැල් දුම්රිය කොටුව දුම්රිය ස්ථානයට පිවිසෙන විටම පස්වන වේදිකාව වෙත විමසිලිමත් දෑස යොමු කලෙමි. අංක 50 තවමත් පස්වන වේදිකාවේය. දුම්රියෙන් වහාම බැසගත් මමත් තව හයික් සගයන් කීප දෙනෙකුත් පස්වන වේදිකාව වෙත දුවන්නට පටන් ගතිමි. දුම්රිය නියාමක නලාවේ හඬ ඇසුනි. කොළ කොඩිය වනා සංඥාව ලබා දුනි. දුම්රිය ඉදිරියට ඇදෙන්නට පටන් ගත්තේය. අපි දුම්රිය දෙසට දුවනු රියදුරු දුටුවා විය යුතුය. දුම්රිය නැවත ඉතා සෙමින් ධාවනය වන්නට පටන් ගත්තේය. අපි ඒ අවසරයෙන් දුම්රියට ගොඩ වැදුනෙමු. දුම්රිය මාතර දෙසට ගමන් කරන්න පටන් ගත්තේය. මගේ සගයින් දෙදෙනා පානදුරෙන් දුම්රියට සමු දුන් අතර මම අම්බලන්ගොඩ තෙක් ගමන් කලෙමි. දුම්රිය ගමන විවිධ ස්වරූප ගත්තේය. එක අවස්ථාවක කළුතර බොහෝ වෙලාවක් නැවතී සිටීමට සිදු විය. ඒ රුහුණු කුමාරි එන තෙක්ය. ඊට පසු පයාගල හරස් මාර්ගයක ගේට්ටුව වසා නොමැති නිසා  නැවතී සිටියෙමු. අලුත්ගම පසු වූ විට හොඳ වේගයකින් ධාවනය විය. වෙනදා short hood forward ධාවනය වන සුපුරුදු M6 එන්ජිම වෙනුවට long hood forward ධාවනය වන M2 එන්ජිමක් දුම්රියට යොදා තිබුණි. 

අම්බලන්ගොඩදී දුම්රියෙන් බැසගත් මම පුරුද්දට වාගේ එන්ජිම දෙස බැලුවේ එන්ජිමේ නොම්මරය බලගැනිමටය. මගේ ඇස් අදහා ගත නොහැකි විය. 626 මොන්ට්‍රියෙල් එන්ජිම  අම්බලන්ගොඩ දුම්රිය ස්ථානයේ සුනාමි දුම්රිය සමග තේජවන්ත ලීලාවෙන් සිටිනු දුටුවෙමි. මෙහි ඇති සුවිශේෂත්වය කුමක්ද යන්න ඔබ සමහර විටක කල්පනා කරනු ඇති.මේ ලිපිය කියවීමෙන් ඔබට යම්කිසි අදහසක් ලබා ගැනීමට හැකි වනු ඇතැයි සිතමි. ලංකාවට පැමිණ වසර හැටකටත් වඩා කල් ගතවුවත් මේ වන තුරු 626 එන්ජිම රත්මලානෙන් ඔබ්බට මුහුදු බඩ දුම්රිය මාර්ගයේ ධාවනය නොවූ බව දුම්රිය ලෝලීන්ගේ පිළිගැනීමයි.ඒ පිලිබඳ කිසිදු හෝඩුවාවක් සොයා ගැනීමටවත් නොමැත. එසේ නම්  මේ 626 එන්ජිම මාතර බලා ධාවනය වන ප්‍රථම අවස්ථාව විය යුතුය.

කණගාටුවට කරුණ වූයේ මේ සුවිශේෂී අවස්ථාව ඡායාරුප ගත කිරීමට කැමරාවක් මා අත නොතිබීමයි. මම වහාම ටජ්මාල් ට පණිවිඩය ලබා දුන්නෙමි. ඔහු වැලිගමදී ආපසු කොළඹ පැමිණෙන දුම්රිය කැමරාවට හසු කරගෙන තිබුණි.   







නැවත මෙම දුම්රිය කොළඹ බලා ධාවනය වන මොහොතේ මමද අම්බලන්ගොඩ දුම්රිය ස්ථානයට ගොස් 626 එන්ජිම කැමරාවට හසු කර ගත්තෙමි. 

  මෙරට දුම්රිය ඉතිහාසයේ සුවිශේෂී ගමනකට නොදැනුවත්ව හෝ සහභාගී වීමට ලැබීම ගැන  මම අතිශයින්ම සතුටු වෙමි. 

Thursday, August 30, 2012

Rail Hike 6 අභියස

අද 2012 අගෝස්තු මාසෙ 30. කාලයක් තිස්සෙ තිබුන ආසාවක් ඉෂ්ථ වෙන්න යන්නෙ. ඒ උඩරට පැත්තෙ දුම් රිය මාර්ගෙ පයින් යන්න අවස්ථාව උදා වෙනව හෙට. ඒ කියන්නෙ 31 වෙනිද..

Rail Hike 6 නැත්නම් දුම් රිය පා ගමන 6 වන අදියර.. සඳරුවන් මලය, ටජ්මාල් මලය වගේ පිස්සන්ගෙ පිස්සුව සුව නොවෙන තාක් කල් ජීවිතේ නොවිඳපු අත්දැකීම් විඳින්න අවස්ථාව උදා කරන තවත් එක වැඩක් තමා මේ පා ගමන්.. පිස්සුව කොච්චරද කියල තේරෙනවනෙ මේ යන්න 6 වෙනි අදියර කීවම. අනික ගිය මාසෙ 13 වෙනිද ගියා 5 වන අදියර..
අද රෑ යන්නෙ 6.


2012 අගෝස්තු මාසේ 30 බ්‍රහස්පතින්දා රාත්‍රී 8.00ට කොළඹ කොටුවෙන් බදුල්ල බලා පිටත් වන තැපැල් දුම්රියෙන් පට්ටිපොල දක්වා දෙවන පන්තියේ ප්‍රවේශපත්‍රයක් ගෙන... පට්ටිපොලට !
31 වනදා උදෑසන 6ට පමන පට්ටිපොල දුම්රිය ස්තානයෙන් පිටත් වී,ඔහිය හරහා ඉදල්ගස් හින්න දුම්රිය ස්තානයට ගමන් කර.
එතැන් සිට උඩරට මැණිකේ දුම්රියෙන් හපුතලේ හෝ වෙලාව අනුව බන්ඩාරවෙල දක්වා ගමන් කර,
එතැන් සිට නැවත කොළඹ කොටුව දක්වා බදුල්ලෙ සිට පැමිනෙන රාත්‍රී තැපැල් දුම්රියෙන් කොළඹට ..


මෙන්න සැලැස්ම.



 අද උදේ සඳය දාල තියෙනව ආසම හිතෙන දෙයක් මූණු පොතේ. ඒ තමයි අපිට බිම්ගෙවල් 18ක් පහු කරන්න තියෙනව කියන එක. හැමදාමත් උදේ හවස කොළඹ යන එන ගමන් බෝතලේදි එක බිම් ගෙයක් පහු කරනව. ඒත් බිම් ගෙවල් 18ක්... හිතා ගන්න බෑ. 18ක්...!!!

මූණු පොතේනම් මේ වෙනකොට 106 දෙනෙක් එනව කියල කියනව. ඒත් ඉතින් එච්චරනම් එන්නෙ නෑ තමයි. ඒ කෙසේ වෙතත් 50ක් විතර අනිවර්යෙන්ම ඒවි.

මේක නම් අලුත්ම අත්දැකීමක් වෙනව කියන එක අනිවර්යයි.

ගොඩක් කල් තිබුණ ආසාවක් ඉෂ්ඨ වෙන්න යන මේ වෙලාවෙ මම නම් ඉන්නෙ ගොඩක් තිගැස්මෙන්.. ඒ වගේම සංතෝසෙන්... 31 වෙනිද ගෙදර ආවම අනිවර්යෙන්ම ගමන් ගැන විස්තර ඇතුව පොස්ට් එකක් රේල් හංදියෙ ලියන්නම් යන්න ආවෙ නැති අයට කියවන්නත් එක්ක...

එහෙනම් හවසට කොල ලයිට් එක වැටෙනකල් මම නවතින්නම්..

මේ ගමන යන්න අපිට පිස්සු හදපු සඳරුවන් කුඩාහෙට්ටි මලයවත්,  ටජ්මාල් වික්‍රමසිංහ මලයවත් ආයෙමත් ආදරෙන් මතක් කරන්නම්.. අපේ ගමනට අපිටම ආශිර්වාද වේවා... කිසිත් අතුරු ආබාධයක් නොවේවා... කෝච්චි පරක්කු නොවේවා..

Sunday, March 18, 2012

ගාල්ල - අඵත්ගම අධිවේගී දුම්රිය මාර්ගයේ පලමු පරීක්ෂණ ධාවනය

උදේ 5.45 ට විතර උඩ ගිහින් ඇහැරුනේ ජංගමය නාද වීමෙනි ... මොන කරදරයක්ද කියා අතට ගත්තද මෙච්චර ලොකු දෙයක් යයි හිතුනේ නැත. මා හොදින් අදුනන දුම්රිය නියාමක මහතෙකු මා ඇමතීය ‍විශේෂ වැඩක් නැත්තන් එන්න අපි අද Trail යනවා යැයි කීය . තවමත් හීනෙන්ද යැයි සිතුවද ඇත්තම කෝල් එකක් යයි ටිකවෙලාවකින් තේරුමිගියේය .
ඉක්මනටම ලැස්තිවුයේ අපේ දුම්රිය යනව කියපු වෙලාවට යනවාම කියා දන්නා නිසාය . මාතර පලමු ගමනේ G.P.S report එකක් දුම්රිය සේවයට දීමට හැකිවු නිසාම මෙවරද එසේම කිරීමට සිතුනේය .
G.P.S receiver එකයි මගේ කැමරාවයි බැග් එකට දාගෙන ඉස්ට්සම‍ට ගියා වෙලාවටම. කෝච්චියක පේනතෙක්මානයක නැත . පස්සෙ දැක්කෙ පලවෙනි වේදිකාව තිබුනට‍ ඒ‍කෙ රේල්පාරක් නැත .. බැකෝ එකක් නම් තියෙනව දැක්ක .
දෙවනි වේදිකාවෙ M8 878 ඉන්නව Loud Speaker දෙකක් බැදගෙන .එයා වෙලාවටම නිවේදනයක් දීගෙන ගාල්ලෙන් පිටත්වුනා..... ජනතාව කරුණාවෙන් සවන්දෙන්න .. තව සුළු මොහෙතකින් අධික වේගයෙන් දුම්රියක් ධාවනය කරන බැවින් මාර්ගය අසල රැදි නොසිටින්න ,දුම්රිය මාර්ගය හරයා යාමේදී සැලකිලිමත් වෙන්න
ඔන්න ටික වෙලාවකින් කළු මල්ලි කෙනෙක් (Class y)
අස්සක තිබුන ‍රුමේනියන් මැදිරි 12 එලියට ඇදල ගත්ත .
ඒක තමයි අපිට අළුත්ගම ගෙනියන්න තිබුන දුම්රිය . ගාල්ල ධාවනාගාරයේ M4 එකක් ස්ටාර්ට් කරනවාත් ඒ සමගම ඇසුනි .

ඔන්න දැන් මැදිරි 12 දාල ඇන්ජිමත් දැම්ම . ඒත 748ට දුම්රිය ආරක්ෂාකාරීව ධාවනයට සුදුසු තරම් රික්තයක් (Vacuum ) නිපදවාගැනීම‍ට නොහැකිවිය .. එනිසා අපිට 744ට අවස්ථාවක් දීම‍ට සිදුවිය.





















පසුපස නියාමක මැදිරියේ මට ලැබුනු තැන G.P.S receiver එක අටවාගත්තෙමි . ‍වෙලාවල් සහ වේගය පිරවීම‍ කොලයක්ද ලැබුනී... රේල්ලුවේ රස්සාව ලැබුන වගේ මාත් වැඩේට බැස්ස . හිතුවට වඩා වැඩේ අමාරුවිය .






අපේ උන්‍ට පොටෝ ගැසිය යුතුය .. ඒ අතරම කොලයත් පිරවිය යුතුය . නියාමක තුමාට අවසන් තත්පරය‍ට කාලය උවමනා වීය . ඒ අතර උපරිම වේගයත් ලියාගන්න වෙලා . යන යෑම‍ට අකුරු හකුරු වී ලියවෙයි .. ඒ අස්සෙ Section අතරෙ කාලය මැනීම‍ට ගනන් හදන්නටත් වුනේය (කැල් එකක් නැතුව)

කලින් උඩ පැන පැන සද්දෙ දාගෙන ගිය ගමන‍ට වඩා බොහෝ සුවපහසු ගමනක් වුනා මෙ ගමන. අලුතෙන් වෙනස් කරපු ඉස්ටේසන් අමාරුවෙන් හරි පොටෝගහගත්ත

කොචිචිය වංගුවල කිසි ගානක් නැතුව යනන්වුනා ....... එත් සමහර තැන්වල අලුතෙන් හදන පාලම් නිසා අනාරක්ෂිත හරස්මාර්ග නිසා අපිට 45 ට 50ට යන්නත් වුනා . උපරිම 80ක් දැම්ම 744. එයාගෙ වයාසෙ හැටියට ඒ හොදයි .




කලින් අනුමාන කල කාලය විනාඩි 40 ක් වුනත් මග කොටලත් යන්තන් පැයෙන් ආව අළුත්ගමට .

අපි එනකොට 878 චීනයෙන් ගෙනා මැදිරි 12 අමුනගෙන හිටිය ගාල්ලෙ යන්න . අපිත් පොඩි වෙලාවක් හිටිය . ඒ අස්සෙ SHED අසසෙ රිංගන්නත් වෙලාවක් සෙට්වුනා .









සාර්ථක දුම්රිය ගමනකින් පස්සෙ ආයෙත් ගාල්ලට යන්න පිටත්වුනා

ඔන්න දැන් 19 ඉදල උදේ /4.45slow /5.05 Express /5.20 slow /5.20 Ruhuna තියෙනව අළුත්ගමට යන්න .. මට සහයදුන් සියල්ලට ස්තුතිවේවා .......

එසැනින් පුවත් - ප්‍රථම ගමනට අපේ එකෙක්....

අධිවේගී දුම්‍ රිය මාර්ගයේ ගාල්ල සිට අලුත්ගම දක්වා වූ පළමු අදියර අද සිට ගමන් ආරම්භ කරන බව අද උදෑසම මූණු පොතෙන් ආරන්චි උනා...
ඒ සතුටුදායක පුවතට තව තවත් සතුට එකතු කරමින් ලැබුණ් අලුත්ම පුවතනම් ඒ මංගල ගමනට රේල් හන්දියේ අපේ එකෙක් සහභාගී වීමයි...
ඒ අපේ විදුර සචින්තන විජේරත්න සහෝදරය.
ලැබුණු ආරංචි වලට අනුව නම් ඔහුට ඒ ගමනේදී භාරදූර කටයුත්තක්ද පැවරී ඇත.
ප්‍රථම ගමන පණ ගන්වන්නේ M4 දැවැන්තයෙක්













අහිනවයෙන් ගොඩනැගෙන ගාල්ල - කොළඹ
බවත්,
පෙර ගමන් රථයක් ලෙසට 878ක් ශබ්ද විකාශණ යන්ත්‍ර
සමගින් ගමන් කළ බව දැ ගන්නනට ලැබුණා

.
නිල විස්තර ලැබුණු වහාම ලියන බලාපොරොත්තුවෙන් පළවෙනි වෙදිකාවෙන් සමුගන්නම්.
ගාල්ල - කොළඹ අධිවේගී දුම්‍ රිය ට හන්දියේ සුභ පැතුම් සමගින් අපේ විදුරට ජය.

Thursday, March 15, 2012

අපි නොදුටු පුංචි කෝච්චිය සොයා අනුරාධපුරයට ගිය ගමන


කෝච්චි ගැන පිස්සුව අපි‍ට මේ ලගදි ආපු එකක් නිසා . කැලණිවැලි මාර්ගයේ පුංචි කොච්චිය නැති වෙනකන් අපි එක ගැන හරියට දැනගෙන හිටියෙ නැ .

පස්සෙ දැකපු පොටෝ විඩියො වලට ඇහැට කදුලු ආව අනේ අපිට මෙ පුංචි කෝච්චියේ යන්න වාසනාව නැතිවුනා නේද කියල .

ඒත් එකකම අපි වැඩිදෙනාගෙ හිතට ආපු හීනය තමයි කවද හරි පුංචි කොච්චි‍යේ යන එක . දැනට ‍ඉන්දියාවෙ ඩාජීලිං හිමාලයන් රේල් පාර තමයි මම දන්න විදිහට සංරක්ෂණය වන එකම පටු දුම්රිය මාරගය .. එව දැක්ම තවත් ආසාව වැඩිවුනා .ඒත් කෙහොමද ඒකෙ යන්නෙ .????? ඉතින් පොටෝ විතරක් බලල සැහීමකට පත්වෙන්න වුනා .

ඒ අතරෙ තමයි අපිට ආරන්චිවුනේ 2012 දැය‍ට කිරුළෙ පටු දුම්රිය පාරක් හදනබව .. යන්තන් බලාපොරොත්තුවේ ඡායාවක් වැටෙන්න පටන්ගත්ත , කවදාවත් නොගිය මේ පුන්චි ‍කොච්චියේ යන්න ලැබෙයි කියල .

ඔපිසියේ වැඩ ගොඩක හිරවෙලා හිටියට කොහොම හරි දැයට කිරුළ යනව කියල තීරනය කරා ..... අපේ නඩේ ගුරා සදරුවන් සහෝදරයගෙන් ඇහුවත් එන්න බැ කිවුව නිසා , ලගදි ඉදල අපිට කිට්ටු වෙච්ච අසංක උදාර සහෝදරයයි, කෝච්චිය‍ට ආදාරේ කරන කවුරුත් එකවගේ ආදරය කරන ‍අපේ ටජ්මාල් සහෝදරයයි සෙට් වුනා මගෙත් එක්ක යන්න . 5උදේ කිරුළෙ ගේට්‍ටුව අරිනකොටම එතන ඉන්නවයි කියල හිතල අපි 4 රැ තැපැල් දුම්රියේ යන්න තිරනය කරා . මොබිටෙල් එකෙන් 365 ගහල දෙවනපන්තියේ නිදන මැදිරි ආසද 3ක් බුක් කරා. ටජා අපිට එන්න ‍ටික‍ට් 3 බුක් කරා...

ඔන්න ඉතින් අපි 4 හවස කොටුවට සෙට්වුනා .. එවෙලෙ තමයි මම දන්නෙ ඉෂ් කෝරලගේ එනව කියල අපිත් එක්ක යන්න . ටිකට් බුක් කරල නැති නිසා අපි ඉෂ්‍ට සීට් එකක් අල්ල දෙන්නම් කියල පොරොන්දුවුනා දුම්රිය වේදිකා‍වේ නැවැත්වීම‍ට පෙර එය‍ට ගොඩවීම‍ට තැත්කිරිම මහත් අනතුරුදායක බැවින් මගීන් එසේ කිරීමෙන් වැලකී සිටින්න කියල කිවුවට අපි ගොඩවෙලා ඉෂ් කෝරලගේට නියම සී‍ට් එකක් අල්ල දුන්න (අපි කිවුවට මම) . ටජා මෙලෝසිහියක් නැතුව කොච්චිය ඇදන් ආපු M8 එක පස්සෙ දිවුව .

.ඔන්න ඉතින් රැ 10.30ට කො‍ච්චිය පිටත්වුනා .. ම‍ට යන්තං රාගම‍ට විතර ගියා මතකයි අයෙ ඇහැරුනේ තලාව හරියෙදි . අසංකයයි ටජයි සිහිනැතිවෙලා වගේ නිදි .


ඔන්න උදේ 3.30ට අපි අනුරාදපුර ඉස්ටේසමට බැස්ස . ඒක එයිතිහාසික නගරයට තවත් එයිතිහාසික දවසක් මොකද අපේ ටජ්මාල් සහෝදරයා පොල්ගහවෙල පහුකරල උතුරු දුම්රිය මාර්ගයේ ආපු පලමු ගමන . අපිටම කියල එදා M8 එකකුත් දාල දීපු නිසා වෙලාවටම ආව .

ඉස්ටේසමේ කැන්ටිම අරිනකන් කරුවලේම වට පිට පොටෝ ගහන්න පටන් ගත්ත සෙට්එක. කැන්ටිම ඇරපු ගමන් බඩපිරෙන්න ඉදිආප්ප පාරක් දාගත්තෙමු. ඒත් වැඩිවෙලා වේදිකාවේ සිටිමට අපිට නොලැබුනි . වේදිකා වෙන් අපිව පන්නාගන්නට එහි සේවකයෝ කටයුතු කලහ.........!

යන එන මං නැතිවු අපි සරණක් සොයා ජය සිරිමහා බෝධිය දෙසට පයින්ම ගියා . පලමු හෝ දෙවැනි වතාවටද කොහෙද අනුරාධපුරේ ආව ‍ටජ්මාල් ට වට පිට පෙන්නන්න ලැබුන ලොකු අවස්ථාවක වුනා ඒක ... සිරිමහා බෝධිය අසලම සුදු පැහැයෙන් බබලන රුවන්වැලිය ටජ්මාල්ට පෙනුනේ M4 745 ලෙසයි ... තවද 750 (ඉසුරුමුණි)තියෙන පැත්තත් පෙන්නුව.

ආයෙත් තරන්න දෙයක් නැති කම‍ට ඉස්ටේසම පැත්ටම ගියා ... අපි ඉස්ටේසමට කිට්ටු කරනකොටම ඇහුනෙ M9 එකක සද්දයක් , අපිට මතක්වුනේ අපිත් එක්ක ආවෙ නැතත් කුඩාහෙට්ටි , තමන්ගේ නියෝජිතය එවල .

එක පාරටම එතෙන්ට ආපු හමුදාවෙ වහනකින් අපිව අල්ල දාගත්ත ඇතුලට.....!

ඒ ඇවිල්ල තිබුනෙ අසංක සහෝදරයගෙ අයිය කෙනෙක් .අපිව කිසි කරදරයක් නැතුව ඔයාමලුවට එක්කරගෙන ගියා . නැත්තන් කිලෝමීටර් 25 මාර කට්ටක් කනව .

දැයට කිරුළ භුමියට ගියත් අපි හැමෝගෙම ‍ඔලුවෙ තිබ්බෙ අර ලස්සන පුංචි කොච්චිය කොහෙන් මතුවෙයිද කියන එකයි .


එක පාරටම සෙනග අස්සෙන් දැක්ක ඉහලට ඉස්සුන රේල් ගේට්ටුවක් . අපි ට මාර සතුටක් ආවෙ .අපි මෙච්චර කල් බලාගෙන හි‍ටපු ඒ අවස්ථාව අපිට උදාවෙච්ච එක ගැන






Wednesday, March 14, 2012

පිළිගමු

පළමු වේදිකාවට පැමිණි දුම්රිය 
තව ස්වල්ප වේලවකින් ගමන් ආරම්භ වේ. 
ගොඩ වූ සැම සාදරයෙන් පිළිගමු.
Related Posts Plugin for WordPress, Blogger...